Shahid Ke Ghar

sham ka waqt tha darwaje par tha dastak ka intezar
par wo na aya bas uski khabar ayi
shahid jawan bete ki lash budhe baap ke chaukhat par ayi
sudhbudh mano kho sa gaya, parchai jo uska sath chod ayi

waqt ke ghav hain waqt se bhar jayenge
Ansu mere ankh ke khud hi sookh jayenge

maa bhi thi uski aawak, par wo ro na payegi
shadat par ansu baha ke , balidan uska vyarth na kar payegi
gam dil mein chupakar ji legi wo
pyar se buna bachhpan ka swetar, chati se lagaye ji legi wo

waqt ke ghav hain waqt se bhar jayenge
Ansu mere ankh ke khud hi sookh jayenge

chudi abhi utri bhi na thi, ki preysi vidhwa ho gayi
hathon ki hina nikhari bhi na thi, mang uski sooni ho gayi
chupchap kone mein baith , khoon ke ansu baha rahi
milne ke uske vayde ko, yad kar use bula rahi

waqt ke ghav hain waqt se bhar jayenge
Ansu mere ankh ke khud hi sookh jayenge

behna saja rahi thi thali, thali mein saji thi rakhi
socha tha jhuthmuth ka roothongi, aur gudiya deke manoge tum,
par rooth gaye tum mujhse, mat do gudiya par aa jao wapas phir se
zid na karoongi har baat manungi, bas ek baar wapas aa jao phir se

waqt ke ghav hain waqt se bhar jayenge
Ansu mere ankh ke khud hi sookh jayenge